antarvyatha

Aaj kal yuva rajniti ka bada Jor chal raha hai. Main aur mere jaise kai sathi sochte hain ki ye yuva rajniti hai kya bala. aaj bhi hamare MPs aur MLAs ki ausat umra 50 se upar hai to kya we yuva hain. Kya ek Rahul Gandhi ke aane se sari rajniti yuva ho jati hai. Rahulji ki soch bahut aachi hai par mera maanna hai ki ye yuva rajniti aristocrate yuva logo ki jagah aam yuvaon ki honi chahiye. Ek aam yuva jo subah ki roti khane ke baad sham ki roti ki chinta mein ghulte aapne pita ko dekhta hai. Jo chupchap sara khana apne bacchon ko khilane ke bad bhukhi rahti maa ka dard janta hai. Ek yuva jiske man mein system se larne aur uski kamjoriyan door karne ki tarap hai. Kahan hai wo yuva. Shayad abhi tak rajniti mein unke liye jagah nahi bani